بتحدى واحد يجاوب على هاي الاسئلة
:SugarwareZ-104:بسم الله الرحمن الرحيم
السلام عليكم ورحمة الله وبركاته...
كيف اعضاء احلى منتدى...ان شاءالله تكونو بخير..ومبسوطين..
حابب احكي بموضوع مهم جدا وهوي (للرجال فقط)...
يعني مايزعلو البنات ...(كل شي ولازعلهن)...
*********************************************
اكيد كل شب الو : ام ,اخت, خالات,عمات,بنات خالات ,وبنات اخوال,وبنات عمومة,جدة,وبناتو(ازا كان مجوز),وحفيدات (ازا كان جد)..
ياترى...ايمتا اخر مره حكيت مع امك وسألت عنا ؟؟
امتى حكيت معا بلطف وحب وحنان وبرّ؟؟؟
امتى اخدتا مشوار انت وهيي بس؟؟
امتى ساعدها بشغل البيت ؟؟(متل ماكان سيدنا محمد يقوم بشغل البيت)...
امتى سألتها عن هموما وحضنتا بحب وسمعتا حكي حلو؟؟؟
امتى اخر مرة بستها لامك وبست ايدا بحب؟؟ ده الايد يلي حملتك وانت صغير بكل حب وحنان؟؟
امتى طلبت منها تدعيلك بالتوفيق والرضا؟؟؟
**************
ياترى ..ايمتا حكيت مع اختك..بكل حنان..وحب؟؟؟
امتى حسستّها ايه معنى الاخ...وانو الاخ سند وحبيب لاختو وصديق اله..؟؟
امتى اخر مره حضنت اختك بحب..وفتحتلها قلبك..وطلبت منا تفتحلك قلبا وتسمع منا هموما وتساعدا بحل مشاكله؟؟
امتى اخر مرة اخدتا مشوار انت وهيي بس..وضحكت معا وفرحتا ولو عزمتا على ايس كريم او قطعة شوكلاته؟؟؟
امتى اخر مرة بستا لاختك بكل حب وحنان؟؟؟
امتى اخر مره حكيت لاختك حكي حلو؟؟؟
امتى لعبت معا..وضحكت معا..؟؟
امتى اخر مرة حكيت لاختك انت اختي وحبيبتي؟؟؟
**********************
امتى اخر مرة سألت عن خالاتك وعماتك؟؟
امتى حكيت معهن..بحب وحنان؟؟
امتى سألتن عن همومن وحاولت تساعدن ازا عندن مشاكل او بحاجة لفلوس؟؟؟
امتى اخر مرة زرتهن؟؟؟
امتى اخر مرة طلعت معهن مشوار؟؟؟
امتى اخر مرة قدمتلهن هديه؟؟؟
**********************
امتى اخر مرة سألت عن بنات خالاتك واخوالك وبنات عماتك واعمامك؟؟؟
امتى اخر مرة قدمتلهن هديه؟؟؟ ولو شي رمزي ولو مبلغ مالي؟؟
*********************
امتى اخر مرة سألت عن ستكّ (جدتك)..؟؟
امتى اخر مرة زرتا وسألتا عن هموما ؟؟؟
امتى اخر مرة حضنتا بحب وحنان؟؟
امتى اخر مرة اخدتا مشوار معك وفرحتا ؟؟
امتى اخر مرة قدمتله هديه ؟؟
امتى اخر مرة بستا وطلبت منا تدعيلك بالجنة؟؟
*****************
امتى اخر مرة سألت عن بنتك؟؟عن احوالها؟؟
امتى اخر مرة سألته ازا في شي مضايقه والا لا؟؟
امتى اخر مرة حضنته بكل حب وحنان؟؟
امتى اخر مرة قلتله انتي بنتي وحبيبتي وعمري وحياتي؟؟
امتى اخر مرة بستا؟؟
امتى اخر مره فتحتله قلبك وخليتا تفتحلك قلبا؟؟
امتى اخر مرة اخدتا مشوار انت وهيي لحالكن؟؟
امتى اخر مره ضحكت معا؟؟ولعبت معا؟؟
امتى اخر مره قدمتله هديه ورسمت الضحكة على وجهها؟؟
امى اخر مرة طلبت منا تدعيلك بالجنه؟؟
**********************
معلومة هامة جدا لجميع الرجال:
صله الرحم شي مهم وعدم الصلة امر خطير جدا وعقوبته عظيمة جدا...
مابظن في حدا بدو ينال سخط ربنا ويدخل عالنار هاد غير عدم التوفيق والفقر وقصر العمر..
نداء لكل شب:
رحمك موجودين..ولله الحمد...لازم توصلهن حتى لو كانو بآخر الدنيا..
صدقني رح تنفتحلك ابواب السما وربنا رح يوفقك ويرزقك..
ورح يرضا عنك...وبالاخير ماحدا رح يكسب غيرك..
بالاخير:
قال صلى الله عليه وسلم:لا يدخل الجنه قاطع رحم)...
العمر
موضوع: بتحدى واحد يجاوب على هاي الاسئلة 
الجمعة أبريل 22, 2011 8:52 am